اابكيك ياقلبي

أبفتح كل صفحاتي وأبحكي لك من الوجدان
وأنا أترجاك تسمعني وتعرف كل مافيني

أنا ليلٍ طواه الهمّ وفجره للأسف مابان
ظلامه زايدٍ عتمه .. ولابه نور يضويني
يهلّ الدمع من عيني إذا شفتك علي زعلان

وأدوّر كل مايرضي ضميرك يامعنيني

تحمّلت الطعون وقلت لك باكر تصير إنسان
وبدل ماتشفي طعوني .. بسكينك تعاديني

نهاية حبنا بانت . . بروح لعالم النسيان
حلفت أنساك ياخلي .. وأنا مابيك تطريني

أنا عندي كرامه وإنت صعب إنك تهين إنسان
يصون العهد في حبك .. خساره طحت من عيني !

أنا ماخون ياخاين وحبي ماعرف نقصان
بتمّم كلمتي وأنهي غرامك من شراييني
أنا بحرٍ عميق القاع وموجه يشبه الطوفان
ولابه زورق يرسي على سطحه يسليني

أنا عمري ولحظاته .. ألم مع همّ مع أحزان
كتمت الجرح في صدري وناره حيل تكويني

عطيتك كل ما أملك ومايغلى لعينك هان
أبيك تكون .. لي وحدي .. حبيب وماتخليني

رووعه الكلمات

يسلمووو